Nga opozita është paralajmëruar edhe djegia e mandateve të këshilltarëve në këshillat bashkiakë. Lëvizjen, e bëri të dituar deputetja demokrate Oriola Pamuputi, në një emision televiziv një ditë më parë.
“Situata nuk ka sens se do të normalizohet. Nga momenti ku e gjithë opozita e bashkuara ka lënë mandatet, nuk do të ketë më gjë normale. Lanë mandatet deputetët, do lënë mandatet këshilltarët bashkiakë e kështu me radhë. Do të paralizohet i gjithë shteti. Do ngrejë kartonat vetëm? Detyrimisht do të shkojë drejt një akti që është dorëheqja, qeveria teknike dhe zgjedhjet. Opozita kërkon zgjedhje të lira. Nuk ka kërkuar asnjëherë marrjen e pushtet”, tha Pampuri një ditë më parë në emisionin “Arena” në Ora News.
Nga radhët e kryebashkiakëve, ai që ka reaguar ndaj kësaj deklaratë ka qenë Erion Veliaj, kreu i bashkisë Tiranë.
“Do i djegin për dy muajt e mbetur? Çudi! Ata kanë dy vjet që s’vijnë në këshillin e @BashkiaTirane dhe toka ka vazhduar të rrotullohet rreth diellit pa noj sekëlldi, le më paralizë”, shkruan Veliaj në një postim në Twitter. /Boldnews/
