Spartak Ngjela dhe Eduart Shalsi janë përfshirë në një debat në studion e Open.
Ngjela në një moment gjaknxehtësie tha se Kryeministri Rama i ka thënë që e përdor Shalsin për të bërë zhurmë.
“Unë largohem pasi nuk kam ardhur këtu për miting. Ty të ka dërguar Rama për të na dëbuar neve.
Më ka thënë rama e përdor Shalsin për të bërë zhurmë. Shalsi nuk je në tryezë .Kam ardhur për debat jo për zgjedhje elektorale”, tha Ngjela.
Ndërkohë, ministri i Shtetit për Sipërmarrjen, Eduard Shalsi, deklaroi se është shumë “vështirë të kuptohet Partia Demokratike, e cila qoftë në pushtet dhe qoftë në opozitë lëvizjet i ka pasur kuturu”.
“Shumëkush pyet veten për këtë veprim. E gjithë kjo krizë e stisur e PD-së është si rrjedhojë e dy momenteve shumë të rëndësishme për Shqipërinë: reforma në drejtësi dhe muaji qershor, që është moment delikat për integrimin e Shqipërisë.
Sot kanë hyrë në një rrugë pa krye. Unë nuk parashikoj dot se çfarë do të ndodhë nesër”, tha Shalsi
