Kryetarja e LSI-së Monika Kryemadhi ka lënë selinë e LSI-së për t’iu bashkuar protestës para parlamentit. E shoqëruar nga deputetë të partisë politike që drejton, Kryemadhi tha se protesta është shansi i fundit për ta çuar Shqipërinë në Bashkimin Europian.
“E vetmja dhunë vjen nga qeveria. Po e kuptojnë dhe ndërkombëtarët që është zgjedhur nga votat e krimit. Opozita është sh e qartë që ky është shansi i fundit për ta çuar Shqipërinë drejt BE-së. Kërkuam bashkëpunime për të bërë amendamente të ndryshme, sot është mundësia e fundit që ne i japim jo vetëm politikës shqiptare por edhe PS-së që të mos jetë peng i 10 vetave”, deklaroi Kryemadhi.
“Ne bënë veprimin ekstrem se situata është ekstreme, jo vetëm në politikë. Është çështje e mbijetesës e një populli të tërë”, tha Kryemadhi duke iu referuar djegies së mandateve.
“Ai që është me të drejtën s’ka frikë”, tha Kryemadhi duke komentuar anulimin e seancës plenare.
