Gafa e KPK/ Shkarkoi prokurorin me nenin që e konfirmon në detyrë

Nga Boldnews.al

Adriatik Cama është një prokuror i Tiranës, i cili u shkarkua në të dy shkallët e Vetingut, për shkak të problemeve me kriterin e pasurisë dhe të kontrollit të figurës.

Pak ditë më parë, në dt. 18 Shkurt 2019, Kolegji i Posaçëm i Apelimit vendosi të lërë në fuqi vendimin e Komisionit të Pavarur të Kualifikimit për shkarkimin nga detyra të Camës.

Por, në vendimin e zbardhur për shkarkimin e Adriatik Camës, të marrë nga trupa e KPK, e përbërë nga kryetarja, Genta Tafa (Bungo), Suela Zhegu dhe Pamela Qirko, “Boldneës.al” ka konstatuar një gafë ligjore.

KPK në vendim e saj thotë se, “…bazuar në nenin 58, pika 1, germa “a” të ligjit “Për rivlerësimin kalimtar…” (Vetingut), subjekti i rivlerësimit Adriatik Cama shkarkohet nga detyra..”,

LEXO EDHE  Eksperti britanik: Duhet të izolohemi deri në qershor, distancimi deri në tetor

“Boldnews.al” konsultoi ligjin për Vetingun, nga i cili rezultoi se baza mbi të cilën është mbështetur KPK flet për konfirmimin në detyrë.

Më konkretisht, neni 58/1/a thotë shprehimisht:
“Në përfundim të procesit, Komisioni mund të vendosë për subjektet e rivlerësimit:
a) konfirmimin në detyrë;

Duket qartë që citimi i nenit të gabuar në vendim është një lapsus, pasi, si Komisioni i Vetingut, ashtu edhe Kolegji i Apelimit kanë arritur në konkluzionin se prokurori Adriatik Cama duhet shkarkuar nga funksioni.



PËRGJIGJU

Please enter your comment!
Please enter your name here