Kristi Vangjeli do të jetë mungesa e madhe e Skënderbeut në ndeshjen e së premtes kundër Tiranës. Veç Lulajt dhe Bregut, tashmë Orges Shehi duhet të bëjë mirë llogaritë edhe me mungesën e Vangjelit me katër kartonë. Shehi do të ruajë sërish dyshen e mbrojtjes të formuar nga Sambou dhe Pëllumbi, për të spostuar Radasin në krahun e djathtë dhe Abazin në të majtë.
Në pjesën tjetër të grupit pritet të jenë në formacionin e bardhekuqve Dita, Taipi dhe Pervan në mesin e fushës me Muzakën, Gripshin dhe Krasniqin në sulm. Gjithsesi, asgjë nuk është vendosur, pasi trajneri bardhekuq pret që të shohë edhe disa variante të tjera loje për të përcaktuar formacionin e titullarëve për të premten.
