Pas takimit me kreun e PD-së, Lulzim Basha, ambasadorja e Gjermanisë Susanne Schütz, ka nisur një takim me kryetaren e LSI-se, Monika Kryemadhi.
Ky takim vjen pas vendimit të marrë më herët nga opozita dhe aleatët e saj për djegien e mandateve.
Pas ambasadores Schutz, Basha pati një takim edhe me Ambasadorin e BE-së, Luigi Soreca, i cili në një prononcim për mediat vuri theksin në protestën që do të mbahet nesër nga opozita. Ai theksoi se shpresonte në një protest pa dhunë, ndërsa shtoi se kishte folur me Bashën për rëndësinë e dialogut mes palëve.
Opozita e bashkuar, në vijim të protestës së 16 shkurtit, do të zhvillojë nesër një tjetër protestë, por vendi ku ajo do të mbahet nuk do të jetë Kryeministria, por Kuvendi i Shqipërisë.
