Pensionet e minatorëve do të rriten me 10 %. Një minator do të përfitojë pensionin në masën 22 mijë lekë, ndërsa nga kjo rritje përfitojnë rreth 18 mijë minatorë.
Premtimi është bërë nga Ministria e Financave dhe ISSH, pas negociatave disa mujore me Sindikatën e Pavarur të Minatorëve të Shqipërisë, me president Gëzim Kalanë.
Për çdo vit pune, vlera e pensionit rritet me nga 1 % dhe sipas bisedimeve mes Sindikatës dhe strukturave shtetërore, ligji do të miratohet brenda 30 ditëve.
Përveç minatorëve, do të përfitojnë edhe naftëtarët, të cilët prej vitesh kanë kërkuar rritjen e pensioneve.
Gjithashtu edhe punëtorët e gazit si dhe ata të metalurgjisë përfitojnë nga kjo rritje e pensioneve.
