Kreu i grupit parlamentar socialist, Taulant Balla, ka kërcënuar mbrëmjen e sotme qytetarët shqiptarë të cilët do të marrin pjesë në protestën e thirrur nga opozita ditën e enjte.
Ai tha se kushdo që do të bllokojë rrugën para parlamentit do të ketë të njëjtin fund si ish-kreu i policisë bashkiake, Florenc Hoxha.
‘Kushdo që do të bllokojë rrugën, kushdo që do të përplaset me policinë do të shkojë në burg si Florenc Hoxha’, deklaroi Balla.
Kujtojmë që me dhjetëra forca policie mësynë në shtëpinë e Hoxhës mbrëmjen e së shtunës, vetëm pse ai u bë pjesë e protestës së 16 shkurtit.
