Sekretari i Përgjithshëm i Partisë demokratike, Gazment bardhi ka komentuar edhe njëherë mbrëmjen e sotme vendimin e opozitës për djegien e mandateve.
I ftuar në ‘Tempora’, Bardhi ka komentuar mundësinë që Rama mund të blejë ndonjë nga kandidatët e listës së PD. Ai tha se nuk beson se Rama mund të shantazhojë ose blejë deputetë, pasi me këtë do të sillte fundin e tij.
‘Nuk besoj se Rama do te blejë ose do të shantazhoje kandidatët e listave për deputet, pasi do të përshpejtonte fundin e tij. Nuk e di nëse koka është i vetëofruar ose i shantazhuar. Nëse Rama do të emërojë edhe opozitën, atëherë do të firmosë fundin e tij. Për deklaratën e ambasadës së SHBA, bardhi tha se nuk komenton deklaratat e asnjë ambasada. Demokracinë e kërcënon blerja e votave apo krimi i organizuar në zgjedhje. VOA ka provuar manipulimin e zgjedhjeve në 4 qarqe, që do të thotë deformim i demokracisë. Ne s’mund të jemi fasadë dhe as të pranojmë një demokraci të deformuar. Çdo mik i Shqipërisë duhet të denoncojë përdorimin e krimit në zgjedhje. Protesta e së enjtes do të jetë në të njëjtin format, s’do ketë fjalime politike. Qëllimi ynë nuk është të shkojmë në konflikt social apo konflikt civil. Nuk është vullneti ynë për të parë Shqipërinë në gjendjen aktuale, kemi vendosur të jemi qytetarë të barabartë të këtij vendi me të gjithë qytetarët’, deklaroi Bardhi.
