Kreu i Dhomës Amerikane të Tregtisë Mark Crawford, përmes një deklarate për mediat shprehu shqetësimin për situatën politike në vend, e cila ndikon drejtpërsëdrejti te investitorët.
Sipas tij, mungesa e stabilitetit politik në vend frenon investimet.
“Synojmë të investojmë, por jemi në pritje. Kërkojmë klimë të sigurt për të bërë biznes. Një ambient që nuk është stabël është një minus”, tha Crawford.
Reagimi i Crawford vjen një ditë pasi opozita e bashkuar deklaroi djegien e mandateve të deputetëve.
Gjatë ditës së djeshme dy prej diplomatëve të akredituar në Tiranë, ai i BE dhe SHBA, zhvilluan një takim me Kryeministrin Rama, në zyrën e këtij të fundit, por pa dhënë asnjë detaj mbi bisedën.
Ndërkohë nga opozita është deklaruar se vendimi për djegien e mandateve është marrë i konsultuar me partnerët ndërkombëtarë.
