Nga Basir Çollaku
Partnerët amerikanë, gjermanë, italianë, hollandezë, belgë, e kudo tjetër, sjellin dosje të rënda për organizata e banda kriminale të lidhur me deputetë, ministra, kryebashkiakë, prefektë, në votëblerje, me para droge. Pastrim parash dhe miliona euro heroinë dhe kokainë ku laboratorët janë bërë si kioska cigaresh në shpeshtësinë e punës në ngarkesë të plotë.
Tani vjen rradha te ambasadorët. Këta janë modifikimi i shprehjes heshtja pjell flori. Këta të pagojë ndaj qeverisë dhe ulëritës ndaj opozitës, sillen sikur qeveria të jetë elitë evropianë me pasaportë shqiptare ndërsa opozita ferri i këtij vendi. Çështje parash apo këndvështrimesh është pyetja?
Për këta, gjërat janë më soft dhe më rozë, qeverisja nuk është aq e keqe, të tillë janë opozita dhe populli. Atëherë ku çalon hesapi?
Ka shumë diplomatë që kanë shërbyer në Shqipëri dhe të punësuar për Shqipërinë, të cilët në katrahurën e paqartë të Tiranës kanë bërë dhe ca punë të vetat. Madje sa më shumë shtohej korrupsioni dhe krimi dhe raportet rëndoheshin, aq më tepër rritej bursa e tyre, për të ndryshuar nja dy tre fjali, apo lobuar ndonjë qokë takimesh nëpër qeveritë e tyre. Këtu nis jo vetëm miklimi por dhe korruptimi i tyre. Kjo është bërë e rëndë, sa duket sikur shqiptarët nuk e shohin aspak se çfarë ndodh në vendin e tyre. Nëse se thonë ambasadorët, apo reporterët, apo burokratët e majmur të Brukselit, ngjarja quhet e pandodhur dhe e pamundur në Shqipëri. Kjo tragjikomedi ka prodhuar rehati dhe stabilitet për to, ka rritur kërkesat e të huajve për të punuar në vendin tonë, në projekte politike, sepse aty paraja rrjedh lumë. Ka mbivendosur realitetin, ka bërë që rrogtarët e Soros me shumicë në Bruksel, të shkruajnë tekstet e Ramës dhe t’i lexojnë në oraret e vendosura prej tij. Njëlloj Kukan, Flankenshtejn, Mogherini, Vlahutin, Sorecas, Boshard, Lu, apo pasardhësit e tij, madje dhe ambasadorët njëmujorsh ia kanë marrë anën dhe ligjërojnë dakordësi me qeverinë dhe frika nga opozita. Kjo s’ka të ndenjura ku të rrijë. Për hatër të stabiltetit diplomatët dhe ambasadat i bëjnë naftën demokracisë, sidomos në Shqipëri. Ambasadorët tanë nëpër botë, as nëpërmend nuk e çojnë të flasin për ngjarje në shtetet ku janë. Edhe në vendet e BE, asnjë ambasador i shteteve përkatëse nuk e luan karriken nga vendi për të dhënë mend si duhen bërë punët e shtetit sepse të nesërmen qortohet me një non grata. Të gjithë këta ambasadorë nuk e rruajnë se deklaratat e tyre qose i lexojnë apo dëgjojnë 500 mijë shqiptarë më pak të ikur e pasi janë mrekulluar nga qeverisja e hatashme e Ramës. Korruspioni, krimi, pastrimi i parave në Shqipëri është në shifra miliardash. Atëherë ambasadorët e diplomatët, këta gjashtarë të mirëqenies së fshehtë dhe jo vetëm., përse të mos vënë dorë në plagë. Sigurisht po. Këto lakrat me demokraci funksionale, hibride, shtet ligjor, reform në drejtësi, janë stabilitet qokash.
Sepse në reformën në drejtësi, në institucionet drejtuese janë zgjedhur sigurimsa me shumicë, që janë prodhim diktature dhe ambasadorët se kërcasin gjuhën për këtë gjë. Ka njerëz me telashe me drejtësinë më llogari miliona të pajustifikuara, ka corbë derri në tepsi, e prapë duartokitjet janë një thes para më shumë.
Sepse vëtë ndërkombëtarët e tretë në këtë rast, OMN, mbikqyrësit e kësaj reforme pjesëmarrës në këshillime veprimesh, janë zhgënjyer dhe në shumë raste rekomandimet e tyre janë bërë sallatë mizash.
A ka vend për të pyetur se ky vetting, është një rishpërndarje parash??!! Nëse shohim me kujdes rezultatin raste dyshuese ka plot. A shohin ambasadorë e diplomat që paratë miliarda që po pastrohen sipas raporteve të BE dhe USA, kanë shteg në ndërtime kullash shumëkatëshe e shumkombëshe dhe lejet e firmat i vënë Rama dhe Veliaj. A shohin se PPP janë miliona dollar me dosje false, me dokumenta të falsifikuar dhe nga zyra të rëndësishme në USA dhe firmëtarë janë sërish Rama dhe Veliaj, sepse shumëfishi i parasë duhej pjestuar me dikë dhe disa, ndoshta diplomatë apo lobistë e sorositë të cilët presin kilogramë me para me pushtetin. Nëse kjo klasë politike është në këtë derexhe dhe duhet vetuar, ndërruar, pastruar, në pastrimin e deritanishmë një dorë të madhe ia kanë dhënë ndërkombëtarët. Sepse ambasadorët e ndërkombëtarët po sillen një lloj si në rastin e çadrës së opozitës. Javën e parë kundërshtuan plot nerv, muajin e dytë pëshpëritën, dhe muajin e tretë zbarkuan të gjithë për të bërë marrëveshje politike. Historia ka mekanizma të përsërisë vetveten. Por këtë herë mazhoranca ka kuota të rëna… Një çadër 2 po ngrenë ambasadorë e ndërkombëtarë…
Kur vjen terezia për t’i qortuar me emra, ata lëçisin vargun nuk hyjmë në punët e brendshme, kur ndodhin punë të brendshmë bërtasin pas bankomatrit për demokracinë dhe integrimin.
Fundja BE kur të bëhemi gati ne sipas diplomatëve do të jetë shpërbërë. Ndoshta si shet i 52 i SHBA mund të ketë një alternativë serioze dhe shpëtuese. Sepse jemi ndër vendet e rralla me shumë palë ambasadorësh, që sillen si biznesmenë, me shoqnitë e tyre, ku marrinë punë nga qeveria, si vendalinj sepse blejnë pasuri e prona. Sigurisht jo me rroga… sepse atë ua sekuestrojnë gratë…të tyret sigurisht.
