Partia Demokratike dhe partitë e tjera opozitare, kanë vendosur që të djegin mandatet, duke e cilësuar dhe zgjedhjen e vetme që kanë përballë kësaj qeverie të inkriminuar.
Demokratët kanë kërkuar që në qershor të mbahen zgjedhje të parakohshme, dhe të krijohet një qeveri tranzitore.
Por a do të hyjë PD në zgjedhjet lokale nëse Rama do të vijojë të jetë në krye të qeverisë?
Kësaj pyetjeje i është përgjigjur deputeti demokrat Ervin Salianji, ndërsa ishte i ftuar në “You & Me” në NRG Radio me Julkën dhe Arditin, ku foli për vendimin e djegies së mandateve dhe për arsyet e protestës së 16 shkurtit, si dhe foli për zgjedhjet lokale të këtij viti.
Do të jemi në zgjedhjet lokale nëse nuk do të jetë Rama bën me dije deputeti.
“Do të bojkotoni zgjedhjet lokale nëse nuk do iki Rama?”- pyetet Ervini nga Ardit Roshi.
“Ne do të jemi në zgjedhjet lokale nëse nuk do të jetë Rama. Zgjedhje të lira dhe të ndershme me Ramën nuk do të ketë. PD nuk do të lejojë që të ketë farsa zgjedhore.” thekson Ervin Salianji.
