Skënderbeu ndodhet në një moment të vështirë ku në 9 ndeshjet e fundit në kampionat ka një fitore, një barazim dhe shtatë humbjeje dhe të premten do të ketë një sfidë të vështirë përballë Tiranës në Korçë.
Për këtë ndeshje Orges Shehi i duhet t’i bëjë llogaritë pa Kristi Vangjelin i cili në ndeshjen e fundit përballë Flamurtarit mori karton të verdhë duke e çuar numrin në katër të tillë të marrë dhe i duhet të mungojë në sfidën e radhës.
Trajneri durrsak i duhet të sajojë formacionin pasi mungon edhe Bruno Lulaj, i dëmtuar prej janarit dhe nuk e ka në ekip një zëvendësues për krahun e djathtë të mbrojtjes. Një problem tjetër tek Skënderbeu është dhe numri i shumtë i lojtarëve të huaj në ekip, 7 lojtarë, ku në ndeshjen ndaj Flamurtarit pamë të ulej në stol kapiteni Marko Radas.
Me mungesën e Kristi Vangjelit dhe numri i shumtë i lojtarëve të huaj në ekip pret me interes se çfarë formacioni do të futë në fushën e lojës përballë Tiranës Orges Shehi.
