Eldorian Hamiti dhe asistentët e tij, Ridiger Çokaj e Ani Koçiaj, ishin në kompleks të suksesshëm me gjykimin në Vlorë. Flamurtari-Skënderbeu ishte me të vërtetë një ndeshje e luftuar, aq sa edhe kartonët nuk u kursyen. Penalltia që Flamurtari pretendoi nuk ishte, por një faull jashtë zone edhe mund të akordohej.
E megjithatë, kryesori nga Lezha në momente të caktuara u tregua i kursyer. Sakaq, më shumë se drejt veproi te goli i anuluar i Oto Xhon. Pozicioni i sulmuesit ishte i parregullt, ndaj edhe nuk u quajt.
13′ Batha ndërhyn rëndë dhe pa top ndaj Sibos, ndaj Hamiti nuk e fal. Dhe vepron drejtë.
36′ Flamurtari pretendon penallti për prekje të topit me dorë nga Pëllumbi. Në fakt kontakt ka, por është jashtë zone. Në këtë rast gjyqtari duhet të jepte të paktën faull.
43′ Liçaj ndërhyn me dy këmbë ndaj Taipit dhe merr të verdhë. Moment që ndoshta mund të sillte një masë edhe me të rëndë, pasi faulli ishte i ashpër.
84′ Koliçi dhe Pollozhani nuk merren vesh dhe përfiton Krasniqi, që gjuan në rënie e sipër. Topi po shkonte drejt rrjetës, por Oto Xhon pak para se të kalonte vijën fatale e shtyn në rrjetë. Goli anulohet dhe me të drejtë, pasi afrikani ishte në pozicion jashtë loje.
/Panorama Sport/
