Sekretari për Çështjet Ligjore në Partinë Demokratike, Çlirim Gjata ka komentuar vendimin e opozitës së bashkuar për djegien e mandateve.
I ftuar në Syri.net, Gjata ka theksuar se kjo është hera e parë në histori dhe është një rast i paprecendentë, që tregon se në çfarë krize të fortë politike ndodhemi.
“Është vendim i madh politik, i paprecedentë. Është hera e parë që ndodh. I kanë bërë atentat Ahmet Zogut në parlament, kanë ndodhur revolucione. Ky është rasti I parë në histori. E shihni ky ka ardhur. Nuk ka më teknikalitete. Sot është marrë vendimi dhe do të protokollojnë në parlament dorëheqjen”, u shpreh Gjata për Syri.net.
Sipas Gjatës, kur lënia e mandatit është në bllok, vendi është i detyruar të shkojë në zgjedhje të parakohshme.
“Të ka ikur opozita. Të ka dorëzuar mandatet. Një pjesë e popullit është e papërfaqësuar. Si do qeverisësh?”, vijoi Gjata.
