Ish-ministri i Brendshëm, Dritan Demiraj, ka reaguar lidhur me veprimet e Gardës së Republikës, gjatë protestës së djeshme të organizuar nga opozita.
Sipas Demirajt, reagimi i Gardës nuk ka qenë i duhuri dhe gazi është përdorur në masa të mëdha.
“Mënyra e përdorimit të këtyre lëndëve, mënyra e hedhjes dhe sasisë së saj, ka qenë e tepruar. Në kushte normale, Policia dhe Garda nuk duhej t’i lejonte njerëzit të afroheshin.
Sigurisht unë e dënoj hyrjen në Kryeministri, djegien e objekteve shtetërore, por reagimi i Gardës ishte joprofesional”, tha Demiraj.
Reagimi i ish-ministrit të Brendshëm
“Të nderuar miq!
Helmimin e popullit të tij gjatë një proteste civile dhe demokratike e ka bërë vetëm Sadam Hyseni, Ali kimiku, Gadafi, etj dhe fundi i tyre dihet.
Turp për policinë dhe komandantin e Gardës së Republikes që zbatojnë urdhëra të paligjshëm, pasi përdorimi i gazit lotsjellës në këto përmasa dhe me këtë përmbajtje konsiderohet krim kundër njerëzimit.
Pas kanabizimit, trafikut të tmerrshëm të droges dhe pëfshirjes në të, të të gjitha niveleve të policisë, Ministria e Brendshme do të mbajë përgjegjësi dhe për këtë shkelje të së drejtës themeltare së qytetarve.
Kjo qeveri e jashtëligjshme, e kapur me qindra herë në flagrancë ka rënë që në vitin 2017 që kur shumica e vendeve në parlament janë vjedhur. E kemi faktuar me prova dhe dokumente, me emra dhe shifra në atë kohë që policia drejtohej nga drejtori i drogës.
Me popullin që e ke tallur, shtypur, vjedhur dhe përdhunuar nuk ja del dot as ti dhe shërbëtorët tuaj. Largohu sa më parë.”
