Ernesto Valverde ka zgjatur rinovimin me Barcelonën. Tekniku do të jetë në krye të katalanasve edhe për sezonin e ardhshëm. Klubi njoftoi se kanë arritur një marrëveshje për sezonin 2019-2020 me të drejtë rinovimi edhe për një tjetër.
Në fakt, presidenti i Barcelonës, Bartomeu e kishte paralajmëruar këtë lëvizje, duke thënë se Valverde do të rinovojë edhe po nuk fitoi asgjë. Tekniku ka zhvilluar 96 takime zyrtare prej të cilave ka fituar 65, barazuar 22 dhe humbur 9 . Nën drejtimin e tij Barcelona ka shënuar 233 gola dhe ka pësuar 78 të tillë. Në sezonin e tij të parë, Valverde fitoi kampionatin dhe Kupën.
