I vetmuar për Shën Valentin? Mos u mërzit. Ka gjasa të kesh festuar madje edhe dje. Sepse dashuria e miqve, e prindërve, e kafshëve shtëpiake, është shpesh akoma më e qëndrueshme. Por nëse je “single” ke edhe ti festën tënde pikërisht sot kur festohet Shën Faustini, ose Dita e Beqarëve apo të Vetmuarve.
Sepse menjëherë pas Shën Valentinit, që është më datë 14 shkurt, mbërrin 15 shkurti që njihet si dita e vetmisë apo e beqarëve dhe e quajtur dita e Shën Faustinit.
Në Shqipëri sipas sondazheve të bëra, kjo ditë nuk njihet edhe aq shumë nga shqiptarët. Shumë qytetarë mendojnë se kjo ditë është një frymë evropiane e cila ka arritur vonë në Shqipëri, e disa të tjerë e konsiderojnë si një ditë që ka lindur mes shakave por në të vërtetë të dyja ditët e kanë një histori.
Gjithsesi, festa që të dyja por shkëlqimi i të parës i mungon të dytës. Ndryshe nga Shën Valentini, ditës së Shën Faustinit, i mungojnë trëndafilat, çokollatat e dhuratat e tjera që jepen rëndom për ditën e të dashuruarve. Por vetëm po të flasim për shkëlqimin në dukje, sepse ata që festojnë Shën Faustinin kanë një dhuratë edhe më të çmuaar, lirinë për të rinisur, kërkuar, kureshtjen, shijen e ëmbël që ka kërkimi dhe gjetja e lumturisë.
Por si arritëm në këtë festë? Dita e Shën Valentinit festohet në 14 Shkurt dhe është shënuar si dita e te Dashuruarve. Historia e kësaj dite eshte filluar për herë të parë në shekullin e III pas erës sonë në Mbretërinë Romake.
Kurse më 15 Shkurt filloi të kremtohej një festë të quajtur “Lupercalia”. Gjatë kësaj feste, vajzat shkruanin emrin e tyre ne një shkurtëz dhe e vendosnin në një vazo. Çdo djalë zgjidhte një nga shkurtëzat dhe kështu kishte zgjedhur vajzën që do kalonte festën.
Zakonisht çiftet e festës përfundonin në një dashuri dhe më vonë në një martesë.
Në atë kohë Mbreti i Romes ishte Klaudio B`. Burrat martoheshin por nuk donin të linin gratë dhe familjen e tyre per te shkuar në luftë. Kështu që Klaudio B` dha urdhër të ndaloheshin martesat dhe fejesat.
Valentini ishte kundër! Bashke me shokun e tij te ngushte Mario (i cili me vonë u njoh si Shën Mario), ndihmuan shume çifte të martoheshin fshehurazi. Kjo gjë u bë e ditur nga Klaudio, i cili u inatos shumë me këtë lajm.
Klaudio kërkoi të arrestohej Valentini dhe të dënohej me vdekje: E qëlluan me një shkop deri sa të vdiste dhe më pas i prenë kokën.
Kështu 14 Shkurti, pragu i festës “Lupercalia” u kthye nga Kisha Katolike në Festën e Shën Valentinit. Ajo ditë u kthye në festën e të Dashuruarve dhe arsyeja ishte pikërisht fakti që Shën Valentini ndihmonte të dashuruarit. Kurse dita e nesërme, u quajt ajo e beqarëve apo të vetmuarve ose Shën Faustini.
Këtë na thotë historia, por po të hedhim një vështrim social, fjala “single” nuk do të thotë “i vetmuar”. Rreth nesh ka njerëz zyrtarisht të fejuar të martuar por që janë shumë më të “vetmuar” se sa mendohet.
E nëse jeni “single” merrini maksimumin, nuk jeni vetëm sepse nuk jeni i apo e mirë mjaftueshëm për këdo, por sepse askush nuk është i apo e mirë mjaftueshëm për ty, ende.
