Situata nuk është ndër më të mirat te Kukësi dhe kjo kuptohet duke parë tabelën e renditjes. Diferenca me 8 pikë nga kreu kushtëzon verilindorët që të luajnë vetëm për fitoren në “Niko Dovana”.
Një humbje ndaj Teutës dhe fitorja e mundshme e Partizanit në Laç do t’i çonte 11 pikë larg vendit të parë dhe praktikisht do i largonte nga gara e titullit. Edhe pse presidenti Safet Gjici e konfirmoi publikisht trajnerin Armando Cungu pas humbjes së fundit me Tiranën, pozitat e shkodranit pas një tjetër disfatë do të rrezikoheshin ndjeshëm. Dhe një opsion për stolin do të ishte edhe Shpëtim Duro, i sapokthyer nga Kosova, ku drejtoi Dritën e Gjilanit.
