Kryeministri Edi Rama u është përgjigjur akuzave të Sekretarit të Përgjithshëm të PD-së Gzazmend Bardhi, se po u bën presion punonjësve të administratës për të marrë pjesë në takimin e nesërm në Vlorë.
“Na qenkan shqetësuar andej nga Mavroboja për takimin e Vlorës nesër. Presion i madh për t’i sjellë njerëzit në miting thonë. S’është miting o mavri me bojë po dialogu qytetar #BashkiaQëDuam prandaj mos na bëni reklamë aman të keqen, se i thonë Vlorë dhe s’kemi ku ulim njerëzit”, shkruan Rma në një shënim në Twitter.
Më herët, në një deklaratë nga selia blu, Bardhi e quajti Ramën person me rekorde të rënda kriminale. “Shtetasit Edi Rama dhe Damian Gjiknuri do të jenë në Vlorë, në një antimiting, ku administrata është detyruar forcërisht të marrë pjesë”, tha ai.
