Schmidt, reporter për Shqipërinë në Grupin Parlamentar CDU/CSU në Bundestagun gjerman, një ditë para protestës së opozitës, I ka bërë thirrje qeverisë që të ndalojë blerjen e votive në zgjedhjet locale, si dhe PS t’ia dëshmoj këtë opozitës.
“Nëse doni të hapni negociatat me BE stop blerjes së votave në zgjedhjet lokale: qeveria e partia e saj ta dëshmojë këtë ndaj opozitës. Gjithashtu qeveria të merret me kapobandat e jo me peshqit e vegjël. Ajo të respektojë parlamentin dhe pavarësinë e gjyqësorit” deklaron Christian Schmidt.
Vlenë të kujtojmë gjithashtu se Schmidt, ministër në qeverinë e Angela Merkel vizitoi Shqipërinë në nëntor të 2016 dhe ishte I pari politikan europian që denoncoi publikisht në median gjermane problemet e kanabisit.
Deklarata e plotë:
Deklaratë e z. Christian Schmidt, Raporteri për Shqipërinë në Grupin Parlamentar CDU/CSU
Mbi situatën aktuale në Shqipëri:
Rruga drejt anëtarësisë në BE eshtë plot sfida. Qeveria e sotme duhet të dëshmojë se është në gjendje të respektojë Parlamentin e e pavarësinë e gjyqësorit.
Rruga e nisur me vetingun po jep frutet e para. Por duhet avancuar në mënyrën e duhur pasi ka shumë për të bërë. Në mënyrë të veçantë duhet të japin llogari para gjykatës Kapobandat e Kriminalitetit të Organizuar dhe jo vetëm “peshqit e vegjël”.
Matës për hapat e mëtejshëm drejt BE do të jenë zgjedhjet lokale së afërmi. Ato duhet të mbahet të lira dhe pa blerje votash. Kjo kërkon transparencë nga qeveria e partia në pushtet përkundrejt opozitës dhe zgjedhësve.
Unë i uroj sukses të gjitha forcave të angazhuara për një Shqipërinë në BE!
