Ish-Këshilltari Ligjor Kundër Korrupsionit Gjon Juncaj u ka bërë thirrje prokurorëve me integritet që të aplikojnë për të qenë pjesë e SPAK-ut.
Eksperti shqiptaro-amerikan dëshiron shumë që prokurorët që mishërojnë pavarësi, profesionalizëm dhe integritet të bëhen pjesë e Strukturës së Posaçme kundër Korrupsionit dhe Krimit të Organizuar, por që tani njihet me akronimin SPAK. Kjo strukturë përbëhet nga Prokuroria e Posaçme si dhe Njësia e Posaçme Hetimore me emrin “Byroja Kombëtare e Hetimit”, BKH, në varësi të saj.
“Do të kenë mundësinë të jenë grupi tjetër i heronjve të këtij vendi. Mendoj se kanë kaluar – do ishte e drejtë të thuhej – ndoshta 100 vjet, një shekull që vjen mundësia që të dalin përpara heronj të rinj dhe ta çojnë Shqipërinë përpara në drejtimin e duhur. Dhe kjo kohë duhet të jetë tani dhe këta prokurorë dhe gjyqtarë duhet të ngrihen dhe të ofrojnë veten.
Një kërkesë specifike për prokurorët që po mendojnë të aplikojnë për në SPAK: nëse jeni ai lloj personi që është i interesuar për t’i shërbyer vendit dhe për të krijuar një të ardhme më të mirë për fëmijët tuaj, atëherë ngrihu, bëj përpara dhe Shtetet e Bashkuara, komuniteti ndërkombëtar dhe ç’është më e rëndësishmja populli shqiptar do t’ju mbështesë.
Ne iu bëjmë thirrje këtyre prokuroreve me kurajo që të bëhen pjesë e të ardhmes së Shqipërisë duke aplikuar për të qenë anëtarë të SPAK”, tha ai për programin “31 minuta”.
