Prej më shumë se 60 vitesh histori, kukulla Barbie nuk rresht së mahnitur botën. Jo vetëm konsumatorët e vegjël, por edhe të rritur kanë parë gjithnjë e më shumë pasqyrimin e vetetes tek një prej kukullave më të fmashme në botë.
Gjithcka nisi me shpikjen e një miku për Barbin, kukullën e parë mashkull, Ken. Më pas, vit pas viti, Barbie erdhi ndryshe gjithnjë në sinkron me botën që ndryshonte. Për më shumë se 6 dekada, Barbie ka sjellë kukullën zezake, mulate, të dobët, të hollë cdo gjë që një femër përfaqëson.
Në qershor të 2019, Barbie do të hedh në treg kukullën me aftësi të kufizuara dhe karrigen me rrota. Kjo risi erdhi si nevojë e kërkesës ku shumë vajza të vogla kërkonin të shikonin kukullën e tyre të preferuar jo shumë ndryshe nga vetja.
“Prezantojmë një kukull të re në karrige me rrota dhe me një problem fizik, më saktë një protezë në këmbë”, ka shpjeguar Kim Culmone, zv/presidente e “Barbie Design” të Mattel.
“Do të ketë edhe kukulla me përmasa të ndryshme trupore, por ajo në karrige me rrota ka qenë një prej më të kërkuarave nga konsumatorët tonë”, shtoi ajo.
Barbie në karrige me rrota pritet të hidhet në treg në qershor me një cmim prej 20 dollarësh.
