Ka rezultuar fatal aksidenti i 11 shkurtit në Itali për 75-vjeçaren shqiptare Nadire Basha, e cila ka ndërruar jetë pasditen e së hënës. Lajmi bëhet i ditur këtë të premte nga mediat italiane.
Sipas të njëjtave burime, ora shënonte 10.40 dhe e moshuara shqiptare ishte duke kaluar rrugën “Battisti” në qytezën Cesano Maderno (në provincën Monza and Brianza). Ajo është përplasur nga një automjet tip “Fiat Panda” që drejtohej nga një i moshuar italian. Impakti rezultoi fatal për shqiptaren, e cila u transportua në spital në gjendje të rëndë shëndetësore dhe pasdite, rreth orës 16:40, ndërroi jetë.
Raportohet se semafori ishte i kuq për kalimtarët kur shqiptarja po kalonte rrugën. Ndërkohë, shoferi i automjetit që e aksidentoi tha për policinë se nuk e pa kalimtaren. Ai është proceduar penalisht për vrasje nga pakujdesia. /Boldnews.al/
