Nënkryetari i Partisë Demokratike, Edi Paloka, duke folur për protestën e 16 Shkurtit theksoi se sot popullit shqiptar i lind e drejta të marrë në dorë fatet e veta.
Sipas tij në 6 vite qeverisjeje Rilindasit kanë prodhuar skandale të njëpasnjëshme, duke treguar se në Shqipëri nuk ekziston më ligji dhe drejtësia, dhe se këtu qeveris krimi dhe droga.
‘Shqipëria nuk është një vend normal, politika ka përfunduar, pasi kemi një parlament qe nuk funksionon, të mbushur me kriminelë. Ne një vend normal, qeveria do të kishte rënë me kaq shume skandale. Këtu duhet të kishe ikur çdo ministër pas çdo skandali, jemi vendi që shpërthejnë nga 4 skandale në ditë. Kur votat vidhen, nuk ka me parlament. E ka denoncuar Zëri i Amerikës, është media zyrtare e departamentit te shtetit, që Rama e quan Kazan, që votat janë vjedhur. Atëherë i lind popullit e drejta të reagojë kundrejt një qeverie ilegjitime dhe parlamenti ilegjitim’, u shpreh Paloka.
