Detaje të reja bëhen me dije lidhur me vrasjen e 49-vjeçares Lirie Xhepa, e cila u gjet e ekzekutuar me pistoletë mëngjesin e sotëm pranë liqenit të Sharrës.
Burime nga grupi hetimore bëjnë me dije se përveç pistës së një krimi pasioni ka dyshime se ngjarja mund të ketë ndodhur edhe për motive pronësie.
Konfliktet për motive pronësie mes Lirie Xhepës dhe kunatit të saj të shpallur në kërkim për krimin, Dashamir Xhepa, datojmë vite më herët.
Burime thanë se në të dhënat e policisë, rezulton se në vitin 2008 Lirie Xhepa shkoi në spital me dëmtime, duke deklaruar se kishte rënë nga shkallët. Por, hetimet e mëvonshme zbuluan se kunati i saj ishte ai që e kishte dhunuar dhe kërcënuar. Vetë gruaja pranoi më pas se ishte kërcënuar me armë zjarri. Për këtë, ndaj saj u lëshua edhe një urdhër-mbrojtjeje. /Boldnews.al/
