Policia e Shtetit ka gjetur 5 gëzhoja në vendin ku u gjet trupi i pajetë i 49-vjeçares, Lirie Xhepa.
Burime policore bëjnë të ditur se krimi mendohet të jetë kryer rreth orës 21:00 të mbrëmjes së të mërkurës, ndërsa trupi i pajetë u gjet mëngjesin e sotëm nga banorë të zonës, që më pas njoftuan policinë.
49-vjeçarja u gjet mes disa ferrave në zonën e quajtur Liqeni i Sharrës, ndërsa mësohet se ajo ka 4 djem, dy prej të cilëve janë në emigrim, ndërsa dy në Shqipëri, njeri prej tyre në burg.
Burime bëjnë me dije se në trupin e viktimës janë parë dhe tre plagë të shkaktuara nga armë zjarri, por edhe dëmtime në pjesën e kokës, që mendohet se janë shkaktuar me mjete të forta.
