Zbardhen detaje të reja në lidhje me krimin e pasionit, që i mori jetën sot një gruaje 49 vjeçare. Pas identifikimit të autorit që dyshohet se është edhe vrasësi i saj, detaje të reja dalin në dritë për viktimën, Lirie Xhepa.
Nëna e tre fëmijëve prej kohësh jetonte vetëm me njërin prej tyre, ndërkohë që bashkëshorti i saj kishte vdekur vite më parë. Edhe pse nga dëshmitë e mara nga fqinjët konsiderohej si një njeri i qetë dhe aspak problematik, Lirie Xhepa dyshohej se kishte një marrëdhënie intime me kunatin e saj, duke e kthyer pistën e krimit në krim pasioni.
Në cilësinë e dëshmitarëve në polici u shoqëruan edhe tre djemtë e saj pasi kishte dyshime të forta për krim në familje.
