U përfol për një largim të trajnerit të Kombëtares kuqezi, Christian Panucci, por prania e tij në “Selman Stërmasi” ku ndoqi nga afër ndeshjen Partizani-Kastrioti, e konfirmoi në detyrë para ndeshjeve kualifikuese të Euro 2020.
Kur nuk ka mbetur shumë kohë nga përgatitjet për ndeshjen e parë zyrtare, të vlefshme për kualifikueset e Europianit 2020, trajneri rumun Mirçea Luçesku nuk do të jetë më trajneri i përfaqësueses së Turqisë. Senjol Gynesh, kur mbetet pak më shumë se një muaj nga ndeshja e parë e eliminatoreve të Europianit kundër Shqipërisë në Shkodër, shihej si favorit për të marrë vendin e teknikut rumun në qershor.
Turqia nuk ishte shumë e kënaqur me punën e Luçeskut, i cili ka koleksionuar vetëm 4 fitore në 17 ndeshjet në drejtim të ekipit kombëtar, por shkarkimi i tij në vigjilje të ndeshjes ndaj kuqezinjve, duket se favorizon Shqipërinë.
“Pas një takimi të zhvilluar mes bordit drejtues të Federatës dhe trajnerit Mirçea Luçesku, u vendos ndërprerja e marrëveshjes me mirëkuptim mes palëve njoftoi Federata Turke e Futbollit.
