Policia Italiane në bashkëpuni me seksionin e anti-drogës në Peruxhia, ka bërë të mundur arrestimin dhe shkatërrimin e një tjetër bande kriminale që operonte prej vitesh në tregun e narkotikëve.
Banda e përbërë nga 11 shqiptarë dyshohej se shpërndanin drogë në thuajse të gjitha zonat e qytetit.
Operacioni për kapjen e tyre filloi në fillim të vitit të kaluar, por arrestimi i tyre u bë i mundur vetëm tani. Shqiptarët kishin shfrytëzuar mundësinë për lëvizjen pa viza për 3 muaj në Itali, duke i hyrë tregut të drogës.
Autoritetet gjithashtu kanë konfiskuar 1 kg e gjysmë lëndë kokainë që do të shitej në tregun italian për rreth 150 mijë euro, dhe 20 mijë euro në vlerë monetare.
