Nga Boldnews.al
Sukses i madh. Shqipëria nuk ka më hashash. Vetëm 36 mijë bimë kanabis janë asgjësuar këtë vit. Ky është konkluzioni i raportit të hartuar nga Guardia Di Finanza dhe policisë shqiptare për vitin 2018. Nga fitorja në fitore policia jonë, pasi janë kultivuar rreth 4242 bimë narkotike më pak se 2017-ta. Të paktën sipas të dhënave zyrtare, por shifrat reale me ato të dala nga zyrat e Rilindjes nuk korrespondojnë, për aq kohë sa skafet e mbushura me kanabis e kanë bërë “autostradë” Adriatikun.
Rreth 52 % e territorit thuhet zyrtarisht se është kontrolluar nga monitorimi ajror i Guardia Di Finanza, ndërsa pjesa tjetër mund të fshehë kanabisin që nga arat është paketuar në thasë, për të pritur momentin e përshtatshëm për trafikm.
Kryeministri Edi Rama mezi pret të gjejë rastin për ta kthyer këtë raport në kauz, i mbetur pa asnjë të tillë dhe i dështuar në çdo fushë tjetër. Po a ka vend për tu krenuar dhe sa i besueshëm është përfundimi i raportit të hatuar nga policia jonë dhe struktura italiane e Guardia Di Finanza?
Në të dhënat e Guardia Di Finanza të vitit 2016, mbi shifrat e kultivimit dhe asgjësimit të bimëve narkotike, u tha bujshëm se janë shkatërruar 98.2 % e parcelave me kanabis. I pari që u habit (sepse e dinte fort mirë të vërtetën), por fërkoi duart fort nga kjo deklaratë, ishte ministri i Brendshëm, i shumëpërfoluri Saimir Tahiri. Më pas, shoë grotesk vijoi me kryeministrin Rama, ku nuk linte moment pa e përmenduar se këtë sukses në luftën kundër drogës e kishin vulosur fqinjët tanë italianë.
“Drogë, drogë, drogë, ku është droga?… Ajo qëndron mendjet e opozitës dhe të mediave kazan”. -lëshonte e priste batuta Rama me qytetarë e fshtarë që takonte, e këta të fundit gjithnjë i pyeste: “hë, ka ardhur gjë droga këtëj”?. Një mënyrë për të fshehur të vërtetën, por dëmi ishte aq i madh, sa nuk kishte propagandë qeveritare, me e pa sponsor që zhbënte të vërtetën.
Qindra ton drogë të parës ia zunë frymën Italisë, më pas edhe vendeve të tjera si Greqia, Gjermania, Holanda apo Anglia. Mall i mirë, mall shqiptar…, por nam i keq në arenën ndërkombëtare që vunë alarmin se vendi ynë i vogël ishte kthyer në hambarin e madh të kanabisit. As kryeministri Edi Rama nuk pati më gojë të llomotiste për sukses. Aq shumë drogë ishte kultivuar përgjatë viteteve 2016-2017, ku pas çdo përmbytje, lumenjte, veçanërisht ata që kalonin në Fushë-Krujë u mbushën me drogë.
6.6 ton kanabis “Made in Albania” e kapur në Itali për vitin 2018 dhe kjo konsiderohet një sukses, krahasuar me vitin pararendës ku u sekuestruan 34 ton në shtetin fqinj. Shkëlqimi i përkohëshëm përkoi me stokun e madh të prodhuar përgjatë “viteve të gjelbra” 2016-2017.
Edhe sot Guardia Di Finanza në raportin final, që gjithnjë mbahet në sallën e madhe të Pallatit të Kongreseve, u shpreh optimiste se lufta kundër drogës ka njohur sukses. Skenari është i njëjtë. Si dekor detyrohen efektivë policie të mbushin sallën, ndërsa në vendet e para që bien edhe më shumë në sy janë drejtuesit e policisë, ministri i Brendshëm dhe ushtarakë të lartë të Guardia Di Finanza.
Në këtë rrugë kaloi edhe Tahiri…, por sot “ministri më i suksesshëm i Ramës”, është nën akuzë për trafik ndërkombëtar të lëndëve narkotike në kuadër të grupit të strukturuar kriminal.
