Kreu i PAA-së, Agron Duka, një prej aleatëve të Partisë Demokratike, shpeshherë është konsideruar si një kandidat i mundshëm për zgjedhjet vendore për Bashkinë e Durrësit.
Herë duke e mohuar dhe herë duke shmangur një përgjigje të prerë, Duka ka mbajtur në lojë emrin e tij, edhe në 2015-ën, zgjedhjet e fundit vendore të zhvilluara.
Por a do të kandidojë Agron Duka më 30 qershor?
“Nuk më pëlqen faktikisht të dal si kandidat i përbashkët. Ndoshta nëse do të dal i vetëm është për t’u menduar se në fund të fundit mund të jetë detyrim i grupit shoqëror që të tregojmë dhe ne forcën tone”, tha Duka i ftuar në një studio televizive.
Ai theksoi se politika është e artit të së pamundurës, edhe mund ta provoj vetëm, kurse në koalicion nuk e kam menduar ndonjëherë të dal.
“Por ne kemi caktuar grupe pune që po identifikojnë persona që mund të kandidojnë në disa bashki, të cilën do tentojnë të fitojnë”, shtoi Duka.
