Skënderbeu ndodhej në një gjendje katastrofike pasi prej tre muajsh kishte harruar shijen e fitores që e arriti ditën e djeshme përballë Laçit në Korçë. Orges Shehi kishte hedhur në fushë një Skënderbe të ri duke bërë ndryshime të shumta në formacion nga porta deri tek sulmi.
Për këtë përballje ekipit korçar i mungonin Bregu dhe Radas të dy të dëmtuar por ajo që ra në sy kishte të bënte me lënien në stol të portierit Aldo Teqja dhe të mesfushorit sulmues Nazmi Gripshi. Të dy kanë qenë titullarë gjatë gjithë kampionatit.
Trajneri i Skënderbeut nuk është shprehur publikisht se është i pakënaqur nga këta dy futbollistë, por nuk ka asnjë shpjegim tjetër për lënien e tyre në stol. Gripshi u aktivizua disa minuta në pjesën e dytë të ndeshjes me Laçin, kurse portieri Teqja nuk luajti asnjë minutë.
Ndoshta ky vendim i trajnerit do t’u shërbejë për reflektim të dyve. Gripshi ndërkohë e ka më të vështirë tashmë formacionin, pasi alternativat janë shtuar për trajnerin Shehi. Kroati Pervan po paraqitet mirë dhe me rikthimin e Bregut, hapësirat ngushtohen ndjeshëm për durrsakun
