Kryeministri Edi Rama ka vijuar me propagandën e tij kundër protestës së opozitës.
Edhe gjatë ditës së sotme, gjatë një takimi në kuadër të nismës “Bashkia që duam” (fushatë e PS-së për zgjedhjet lokale), kreu i qeverisë ka sulmuar protestën.
“Luli s’ka fitu asnjë palë zgjedhje, kërkon pushtetin. Edhe Luli të shkruaje të platforma ‘shqipëriaqëduam’ duam dhe për 10 ditë i kthejmë përgjigje. Luli e ka në terezi. po fajin e kanë ata që e ndjekin”, tha Rama, teksa i kthente përgjigje një qytetari që i parashtroi një problem të tijin me një pronë.
Këtij të fundit, ashtu si paraardhësit dhe të shumë të tjerëve, thjesht u tha të shkruajnë në adresën online “shqipëriaqëduam” dhe të presin një përgjigje brenda 10 ditëve. /Boldnews.al/
