Protesta e 16 shkurtit duket se ka ngjallur panik në radhët e qeverisë.
Përveç deklaratave që kanë ardhur nga radhët e qeverisë dhe PS-së, këtë të martë është Policia e Shtetit, që përmes një njoftimi, tenton ti veshë një rrobë malinje protestës së thirrur nga opozita.
Policia tenton të përhapë panik te qytetarët duke deklaruar se në protestë do të marrin pjesë persona me precedentë penalë si dhe të tjerë “të nxitur nga aktorë të tretë, të cilët synojnë krijimin e një klime destabiliteti në Shqipëri”.
Teza se protesta e 16 shkurtit vjen në vrazhdën e synimit të krijimit të një klime destabiliteti, është përdorur nga zyrtarë të qeverisë dhe PS-së. E fundit ishte Elisa Spiropali.
Zëdhënësja e Qeverisë e njëkohësisht Ministre e Shtetit për Marrëdhëniet me Parlamentin e artikuloi këtë gjatë emisionit “Real Story”, mbrëmjen e djeshme. /Boldnews.al/
Policia për protestën e 16 shkurtit: Synohet krijimi i klime destabiliteti
