Skënderbeu është duke luajtur në shtëpi ndeshjen e javës së 21-të të Kategorisë Superiore përballë Laçit. Ekipi korçar vjen pas një periudhe aspak të mirë, ku ka humbur 6 ndeshje radhazi dhe për të dalë nga kjo krizë ju duhej mbështetja e tifozëve por pamja që të ofrohet sot është e trishtë, nga shkallët e stadiumit janë vetëm një “grusht tifozësh”.
Tifozët korçarë, të mësuar me një ekip pretendent për titull në vitet e fundit, mesa duket e kanë të zorshme ta përballojë këtë realitetit.
Përveç një numri të paktët besnikësh, pjesa tjetër e stadiumit është e zbrazët. Gjithsesi, shpresojmë që ekipit t’i rikthehen sa më shpejtë tifozët për ndeshjet e ardhshme, pasi është një mëkat i vërtetë të shohësh stadiumin e Korçës në këtë gjendje.
