Pas 6 humbjeve radhazi Skënderbeu ka arritur më në fund të dalë nga kjo krizë pasi ka arritur të fitojë me rezultatin 2-0 në shtëpi përballë Laçit në javën e 21-të të Kategorisë Superiore.
Fraksioni i parë i lojës u mbyll me rrjeta të paprekura ku rasti më i rrezikshëm ishte i kroatit Pervan i cili provoi me një goditje të fuqishme nga jashtë zone me të djathtën, por topi u përplas vetëm në shtyllë.
Në pjesën e dytë, në Korçë kanë nisur reshje të dendura shiu të cilat kanë rezultuar fatsjellëse për “Ujqërit e Dëborës” pasi kanë arritur të gjejnë dy herë rrugën e rrjetës. Fillimisht ishte Blerim Krasniqi në minutën e 55′ ku pas një goditje me kokë, pas krosimit fantastik të Muzakës nga e djathta dërgoi topin në rrjetë. Në minutën e 76′ kroati Marko Pervan dyfishoi rezultatin me anë të një 11-metërshi të fituar nga Krasniqi. Në minutën e 90′ ishte portieri ekipi i kurbinasve Gentian Selmani i cili nga pika e bardhë ngushtoi diferencat por që goli i tij vlejti vetëm për statistikë.
Pas kësaj jave korçarët rigjejnë fitoren e munguar prej më shumë se dy muajsh dhe ngjitet në vendin e katërt ndërsa Laçi zbret në vendin e pestë.
Skënderbeu-Laçi 2-1
GOL: Krasniqi 55′, Pervan pen. 77′ / Selmani pen. 90′
Formacionet:
SKËNDERBEU(4-3-3): Dajsinani; Vangjeli, Sambu, Pëllumbi, Abazi; Taipi, Sibo, Dita, Pervan, Muzaka; Krasniqi. (STOL: Teqja, Radash, Kurti, Gripshi, Asani, Toskiç, Oto Xhon) Trajner: Orges Shehi
LAÇI(4-3-3): Selmani, Fangaj, Toro, Gjoni, Sefgjini, Eler, Jonuzi, Çokaj, Shtubina, Lushkja, Xhixha (STOL: Sali, Pjeshka, Mersinaj, Mane, Okpotu, Berisha, Domgjoni) Trajner: Besnik Prenga
Tabela e renditjes pas javës së 21-të të Kategorisë Superiore
