Ish-trajneri Shkëlqim Muça ishte i ftuar në emisionin “Rubrika Sportive”. Veç të tjerave, Muça foli për problemin e golave në Kategorinë Superiore, teksa nuk i kurseu as batuata në lidhje me situatën në kampionat.
“Forca sulmuese në Superiore lë shumë për të dëshiruar. Mjafton të shohësh që ekipi i parë ka një mesatare që është thuajse një gol për ndeshje. Është e qartë që ka shterpësi, skuadrat nuk prodhojnë më shumë se 5 raste.
Një këshillë për Kukësin. Hiqni dorë nga ajo fushë! Një ekip superior në cilësi duhet të kërkojë fushën më të mirë ku luhet futboll, ta gjejnë ku të duan. Hiqni dorë nga kjo fushë! E gjejnë vetë ata! Mua mu duk sot sikur ishte duke luajtur Kamza me Tiranën, jo Kukësi”.
Lufta për mbijetesë?
Kamzën dhe Luftëtarin i shoh në luftë për mbijetesë. Kurse Kastriotin nuk e shikoj në këtë luftë, e shikoj të rënë.
Parashikimi për Skënderbeu-Laçi?
Fiton Laçi! E shikoj më të karikuar Laçin, më pëlqen shumë si skuadër. E ka mundur edhe vitin e kaluar në Korçë. Nuk e shoh të humbë Laçi në këtë ndeshje, më shumë e shikoj te x2.
