Problemi i mungesave vijon të mbajë peng Skënderbeun. Si të mos mjaftonin dëmtimet afatgjata të Lulajt, dhe mbi të gjitha Bregu, por edhe numri i madh i lojtarëve të huaj në ekip, bardhekuqve u shtohet edhe një dilemë më shumë që ka të bëjë me kapitenin Marko Radas.
Kroati, i cili sakrifikoi aq shumë për Skënderbeun, duket se nuk gëzon gjendje të mirë shëndetësore, si pasojë e një viroze që e ka prekur në ditët e fundit. Për këtë arsye kroati u bashkua në një seancë të plotë me ekipin vetëm dje dhe për pasojë është në dilemë të madhe për takimin e sotëm ndaj Laçit.
Nëse Radas ia del, atëherë është një lehtësim i madh për Shehin, nëse jo, trajneri duhet të eksperimentojë në prapavijë për të formuar katërshen e mbrojtjes.
