Guardiola rezyme ndeshjes së djeshme

“Nuk është normale të fitosh 6-0 kundër Çelsit”. Pep Guardiola nuk u beson syve nga forma që po kalon Mançester Siti i tij. “Me katër goditjet e para në portë shënuam 4 gola. Por, në 20 minutat e fundit të pjesës së parë vuajtëm dhe ata qarkulluan topin. Ishte një fitore e madhe dhe gëzim i madh.

Një kompliment i madh skuadrës, ishim të shkëlqyer. Unë e di sesi luan Sarri, sepse më ka vënë në vështirësi me Napolin dhe po e bën edhe këtu”. Megjithatë, ai nuk e bën dramë mungesën e shtrëngimit të dorës nga kolegu italian: “Fola me Zolën dhe më tha se nuk më pa. E kuptoj situatën, me Mauricion kam një marrëdhënie të shkëlqyer, asnjë problem mes nesh. Presion për titullin? Ajo që mund të bëjmë është të luajmë si një skuadër.

Nëse fitojmë perfekt, nëse jo, e provojmë sezonin tjetër. Çfarë presioni? Ne jemi të privilegjuar që jemi futbollistë dhe trajnerë. Në botë ndodhin shumë gjëra dhe ka shumë halle që ne të mendojmë për presion”. Pastaj dhe një batutë për rastin e humbur të Agueros me portë bosh dhe shtrirjen e tij në tokë:

“Mendova, gol i bukur. Rekordi i Shirerit përfundoi. Aguero më tha se pa Kepën që po vinte shpejt dhe donte të tregohej më i saktë. Por, unë i thash të mos e përsëriste më”.

PËRGJIGJU

Please enter your comment!
Please enter your name here