Deputeti i PS Taulant Balla, në një deklaratë për mediat, pas përfundimit të procesit gjyqsore kundër djalit të ish-kryeministrit, Shkëlzen Berishës, është shprehur se i qëndron deri në fund kallzimit të tij.
‘Në cdo akuze që kremi ngritur i shkojmë deri në fund. Nuk jemi të gjithë njësoj,’ është shprehur Balla.
Debatet:
Taulant Balla dhe Shkëlzen Berisha vijojnë përballjet në gjykatë lidhur me akuzat e ndërsjellëta mes tyre.
Në seancën e sotme të zhvilluar në Gjykatën e Tiranës palët kanë mbajtur qëndrime krejt të kundërta. Mbrojtja e Shkëlzen Berishës pretendoi se deklarimet e Ballës janë shpifje dhe me qëllim prishjen e imazhit të tij.
Ndërkohë, Balla pretendoi se deklarimet e tij lidhen me dyshimet e krijuara pas hetimit të kryer nga Komisioni hetimor, në cilësinë e drejtuesit të këtij komisioni. Balla vazhdoi me tej, duke thënë se i qëndronte këtyre deklarimeve.
Berisha u shpreh për Ballën, se kishte standard të ulët moral, ndërsa i kujtoi akuzat për udhëtime me trafikant droge. “Ka rreth dy vjet që nuk paraqet asnjë provë, ndaj ajo që i kanë kërkuar gjykatës është të dënojë këtë shpifës”, tha Berisha.
Ndërsa Balla i ka bërë thirrje Prokurorisë së Tiranës që mos përdorë makinacione për të pushuar çështjen në ngarkim të tij, Sali Berishës dhe Ndue Kalaj për privatizimin e OSSH.
Në një prononcim për mediat, Balla ka thënë se për këtë cështje ka tashmë një kallëzim penal.
“Unë i qëndroj akuzës së bërë, se qytetarët shqiptarë kanë humbur 419 mln euro nga privatizimi i OSSHE te CEZ. Dua ta përdor këtë moment për ti bërë një thirrje prokurorisë që të vijojë hetimet dhe me shpresën e gjithë shqiptarëve që SPAK ngrihet së shpejti le të jetë kjo një prej dosjeve që t’i vihet në dispozicion SPAK”, tha ai. /Boldnews.al/
