Detaje të reja bëhen me dije lidhur me vrasjen e 30-vjeçarit nga Rubiku Petrit Biba mbrëmjen e djeshme. Krimi ndodhi në fshatin Vrrithë të Pukë, në afërsi të Hidrocentralit, ku punonte viktima bashkë me autorin dyshuar, Enderis Dodaj, 25 vjeç.
Sipas policisë, Petrit Biba është qëlluar me pistoletë nga Dodaj nga pakujdesia.
“Nga tërësia e veprimeve hetimore, bënë me dije burime zyrtare nga policia, dyshohet se aksidentalisht, 25-vjeccari ka qëlluar me armë zjarri, tip pistoletë, shtetasin P.B. (Petrit Biba) ne prani të disa punonjësve të tjerë, që po pushonin ne të njejtin ambient”.
Pas ngjarjesm autori i dyshuar është larguar dhe po punohet për kapjen e tij, shtuan të njëjtat burime.
Biba Petrit u transportua në spital pas plagosjes, por nuk mundi të mbijetojë. Ai ndërroi jetë në Spitalin Rajonal të Shkodrës. /Boldnews.al/
