Aleanca për Qytetarin ka sjellë një tjetër denoncim që hedh dritë mbi aferat korruptive dhe kriminale të kreut të bashkisë Erion Veliajt dhe zaptimin e territorit të Tiranës.
Promovimi me pompozitet i Tirana Booking, nuk është asgjë veçse një tjetër aferë korruptive me një faturë me shumë zero në prag të zgjedhjeve të 30 qershorit.
Vetëm pak metra nga Teatri Kombëtar, pushteti lokal ka zaptuar një tjetër truall të paracaktuar si ‘zonë historike’ por që është mohuar të jetë si e tillë fill pas vendimit për ndërtimin e kullave.
Me pushtetin absolut për të vepruar, Erion Veliaj shkel çdo normë dhe rregull për hir të përfitimeve financiare.
Zona në të cilën do të ndërtohet, përpos vlerave historike, është gjithashtu një truall në proçes gjyqsorë, i cili përmes manierave arbitrare po largon me force edhe banorët që kanë shtëpitë e tyre në aty. Ndërsa policia po mundohet të mbahet larg konfliktit mes banorëve dhe bashkisë, një tjetër vjedhje po kryehet në ditë me diell. /Boldnews.al/
