Nga Rudina Xhunga
Rasti i 16-vjeçares të përdhunuar në Prishtinë nga profesori i saj e më pas nga efektivi i policisë, ku kishte shkuar për të denoncuar rastin në fjalë, ka revoltuar opinionin publik të shqiptarëve të Kosovës. Ditën e djeshme, përfaqësues të shoqërisë civile, lëvizjeve feministe dhe OJQ-ve të ndryshme kanë mbajtur një protestë kundër dhunës ndaj femrave dhe përdhun.imit.
Në lidhje me këtë kanë reaguar edhe shume personazhe publikë, mes tyre edhe gazetarja e njohur shqiptare Rudina Xhunga.
Ajo ka ndarë në Instagramin e saj një status ku duket mjaft e revoltuar, duke sjellë në vëmendje rastin e vajzës 13-vjeçare nga Kavaja, e cila u përdhu.nua dhe trafikua nga 7 djemë minorenë.
Gazetarja ka bërë një paralelizëm se si është pritur dhe dënuar ngjarja në Kosovë dhe çfarë ka ndodhur në vendin tonë, duke shtuar se ne jemi frikshmërisht larg Evropës.
“Shikoni si reagon Prishtina. Te gjithë me parrulla në duar, kanë dalë në rrugë për t’i thënë jo përdhun.imit, pasi një e mitur u abuzua nga profesori i saj dhe polici ku shkoi ta denoncojë. Prishtina e mori në mbrojtje vajzën, as e gjykoi, as donte ta përzinte nga vendi, siç donin gratë e Kavajës, të përzënë vajzën e vogël që e përdhu.nuan ca përbindsha, të mitur edhe ata. Në Kosovë, nuk plasi debati Thaci- Haradinaj, kush e fshehu ngjarjen, as iu sul kush medias, pse merreni me dramën e vajzës. Ne jemi frikshmërisht larg Europës që kërkuam. E meqë s’po dimë të afrohemi, le të themi: E duam Shqipërinë si Kosova!”- përfundon ajo.
