Edhe pse jemi ende në shkurt me një axhendë të ngjeshur politike përpara, qeveria ka zgjedhur të marrë frymë lehtësisht e të mendojë për sezonin turistik.
Gjatë mesditës së sotme, Ministri i Brendshëm Lleshaj dhe Ministri i Mjedisit dhe Turizmit, Blendi Klosi kanë zhvilluar një takim me 12 prefektët.
Ky takim është mbajtur për të përcaktuar masat që do merren para fillimit të sezonit turistik veror.
“Strukturat e Policisë së Shtetit duhet të mbështesin turistët, operatorët, bizneset, duhet të jenë të aktivizuar edhe në luftën e krimit që shoqëron aktivitetet turistike.
Duhet të jenë në gatishmëri të plotë për të mbajtur nën kontroll situatën”-u shpreh ministri i Brendshëm.
