Me anë të një deklarate për mediat policia e Vlorës ka hedhur poshtë lajmin se gjatë grabitjes së një karburanti në Novoselë është përdorur dhunë dhe kërcënim me armë.
Sipas Policisë, autorët ende të paidentifikuar i kanë vjedhur punonjësit të karburantit nëpërmjet dhunës verbale 30.000lekë.
“Nga hetimet paraprake rezulton se dy të rinjtë nuk kanë qenë të armatosur dhe nuk kanë përdorur dhunë fizike, por vetëm dhunë verbale”, – thuhet në deklaratën e Policisë.
Kujtojmë se më herët u raportua se dy personat në fjalë kanë qenë të maskuar dhe të armatosur kanë grabitur karburantin gjate orëve të natës, ndërsa kanë kërcënuar rojen që gjendej në objekt.
Deklarata e Policisë:
Vlorë
Më datë 08.02.2019, rreth orës 02:35, në një pikë karburanti në Fitore të Novoselës, dy të rinj ende të paidentifikuar nëpërmjet dhunës verbale i kanë vjedhur punonjësit të karburantit 30.000 lekë.
Nga hetimet paraprake rezulton se dy të rinjtë nuk kanë qenë të armatosur dhe nuk kanë përdorur dhunë fizike, por vetëm dhunë verbale.
Po punohet për identifikimin dhe kapjen e autorëve.
