Prokurorët e Krimeve të Rënda që po hetojnë dosjen “Tahiri”, mësohet se janë nisur drejt Katanias, aty ku po zhvillohet procesi gjyqësor ndaj “bandës Habilaj”.
Burime thanë për BoldNews thanë se, janë dy prokurore që janë nisur për në Katania për të marrë në pyetje Nazer Seitin. Ky i fundit i njohur edhe si “financieri i Habiljave”, i ekstraduar me një procedurë të dyshimtë drejt Katanias, vitin e shkuar.
Arsyeja e këtij udhëtimi lidhet me ankimin e ish-ministrit të Brendshëm Saimir Tahiri në Gjykatën e Krimeve të Rënda dy ditë më parë.
Ai kërkoi që dosja në ngarkim të tij të shkojë për gjykim. Nga ana tjetër, prokuroria kërkon zgjatje të hetimeve ndaj ish-ministrit, i cili akuzohet se ka favorizuar Habiljat në trafikun e drogës. /Boldnews.al/
Tahiri mesazh Prokurorëve që po e hetojnë: S’kalon njeri pa marrë faturën që i takon!
