Ish-ministri i Brendshëm Saimir Tahiri, i cili është nën hetim për bashkëpunim më Habilajt në trafik ndërkombëtar droge, ka lëshuar një mesazh për prokurorët që po hetojnë çështjen e tij.
Tahiri, në një deklaratë për gazetarët në dalje të Gjykatës së Krimeve të Rënda, ku u zhvillua seanca e sotme, tha se prokurorët u kanë dërguar mesazhe gazetarëve lidhur me hetimet ndaj tij. Për këtë, ai kërkoi hetim për nxjerrje të sekretit hetimor dhe tha se, “në këtë vend s’kalon njeri pa marrë faturën që i takon”.
Lidhur me shtyrjen e hetimeve ndaj tij, Tahiri tha se kjo është një vendimmarrje pa sens.
Lidhur me çfarë u vendos në gjykatë, Tahiri tha se seanca e kësaj të mërkure u shty, pasi gjykata kërkoi nga prokuroria disa dokumente, që organi i akuzës nuk i kishte.
Pjesë nga Intervista
Saimir Tahiri: “Unë kam pritur dhe do vazhdoj të pres deri në fund edhe pse gjithçka ka ndodhur ka kapërcyer çdo limit kohor, sepse një gjendje e tillë e pashpjegueshme dhe mjegullnaje nuk mund të vazhdojë më. Pavarësisht se hetimet janë zgjatur 5 herë hera e parë që unë kërkoj të mos ndodhë më. Ka kaluar çdo afat i arsyeshëm dhe duhet të marrë zgjidhje patjetër. Drejtësia e vonuar nuk është më drejtësi. Nëse ndodh me mua merreni me mend se çfarë ndodh me mijëra të tjerë që bërtasin e nuk dëgjohen”.
Po a po mbahet peng?
Saimir Tahiri: “Unë nuk mbahem peng nga askush. Kam respektuar drejtësinë. Peng nuk më mban njeri”.
Sekret hetimor?
Saimir Tahiri: “Nuk kishte asnjë sekret ma besoni, dhe ju keni aq shumë mesazhe në telefonat tuaj nga prokurorët sa nuk ka më sekrete në këtë institucion. Unë sigurisht i kam dhe mund ti bëj publike, por kjo nuk ka lidhje. Nuk ka mbetur asnjë sekret, nuk e kuptoj pse duhet me dyer të mbyllura.
Iu thanë që do vi dita që iu ti bëni publike mesazhet e prokurorëve për sa kohë thatë që dispononi mesazhe që ka publikuar mesazhe për çështjen tuaj?
Saimir Tahiri: Në këtë vend s’kalon njeri pa marrë faturën që i takon.
https://www.facebook.com/Ora.News.RTV/videos/384305425666938/
