Protesta për të mos lejuar shëmbjen e godinës së vjetër të Teatrit Kombëtar dhe ndërtimi i një godine të re ka mbushur një vit sot.
Artistë dhe qytetarë të ndryshëm të cilët mbështesin kauzën e tyre kanë lajmëruar se sot në orën 18:00, do të mblidhen në Sheshin e Teatrit për të përkujtuar këtë vit rezistence.
Protesta për Teatrin është shëndrruar në protestën më afatgjatë në kohën dhe ndër më aktivet që është organizuar ndonjëher në vend.
Çështja e Teatrit është një nga pikat më të nxehta të debatit politik dhe publik e cila prej një viti është kthyer në një “mollë sherri” midis artistëve dhe qeverisë por jo vetëm. Mbi këtë çështje janë hedhur akuza të shumta që kanë të bëjnë me aferat korruptive që është tentuar dhe po tentohet të bëhen në emër të ndërtimit të një Teatri ri.
Kuvendi i Shqipërisë, ka miratuar vetëm me votat e maxhorancës, ligjin për prishjen e godinës së Teatrit Kombëtar, gjë që ka shkaktuar një përplasje të vazhdueshme edhe ndërinstitucionale ku në mbështetje të artistëve ka dalë edhe opozita si edhe kreu u shtetit, Ilir Meta.
Kujtojmë gjithashtu se një grup artistësh që dolën në fillim në mbrojtje të godinës së teatrit më pas u shkëputën nga protesta pas disa takimeve u zhvilluan midis përfaqësuesve të qeverisë dhe aktorëve gjë e cila shpesh është aluduar se u manipuluan.
Sipas atorëve protestues qeveria Rama është përfshirë në një aksion krejtësisht antikushtetues dhe të paligjshëm për zbatimin e një skeme korruptive për të zhvilluar në interes të miqve të Kryeministrit një pronë publike në qendër të Tiranës.
Sipas tyre, me këtë projekt që përfshin shkatërrimin e një prej pak ndërtimeve me vlerë historike dhe arkitekturore që mbetet në kryeqytet, Kryeministri po dëmton dhe kujtesën kulturore dhe historike të vendit.
