Kryetari i Partisë Demokratike Lulzim Basha ka zhvilluar pasditen e sotme takime me qytetarë dhe biznesmenë të vegjël në Tiranë.
Kryedemokrati u bëri thirrje qytetarëve të marrin pjesë në protestën e 16 shkurtit. Gjatë takimeve, Basha shpalosi edhe planin e PD-së për rimëkëmbjen e ekonomisë. “Të gjitha janë të mundura të realizohen, mjafton të bashkohemi të gjithë më 16 shkurt”, u shpreh kryetari i Partisë Demokratike.
Takimet
Basha: Si po shkon puna?
Tregtari: Copë-Copë…
Basha tha se programi i PD parashikon që “çfarë janë biznese me nën 140 milionë lek të vjetra në vit, hiqen nga TVSH”.
“Do të keni vetëm një tatim, 0.5% e xhiros vjetore dhe gjithçka tjetër do të anulohet. Taksat e bashkisë janë 7 dhe 10 fushuar më shumë se para tre vjetësh”, tha Basha.
Shqetësimit të një tregtari “Kanë vënë edhe taksën e tabelës”, Basha iu përgjigj:
“Kanë shpikur taksë pas takse, taksë arsimi, e taksë e asaj… Do të keni pullën në vitrinë. Tatimin prej 0.5% në vit do të shkojë për financimin e pushtetit vendor jo qeverisjes vendore dhe asnjë inspektor nuk do të ketë të drejtë të hyjë në biznesin tënd. Do të heqim taksën Rama mbi karburantin 300 lek. Do të ulim çmimin e energjinë për biznesin, veprimtarinë prodhuese dhe qytetarët. Me këto taksa e tarifa këta kanë vjedhur 2 miliard euro më shumë”.
Banor: Biznesi i vogël shihet nga qeveria si kriminel. Serbia ka për 32 zanate e ka çuar zero taksën. Ku do e marrë kasën këpucari, 400 euro nuk i mbledh me 500 lekësha. Biznesi i vogël po shkatërron ekonominë. Nuk do kemi më të vetëpunësuar në zanate. Ne familja Tufina kemi qenë orëndreqës. Qeveria duhet t’i japë mbështetje biznesit të vogël. Nëse shteti i ul taksat ai merr edhe dy punëtorë. Ne kemi zanatçinjtë më të mirë.
Basha: Shkolla profesionale do të rikonceptohet sipas modelit gjerman. Gjysmën e kohës do ta kalkojnë në shkollë, gjysmën e kohës tek zanatçinjtë. E bëjnë gjermanët përse mos e bëjmë ne? Për biznesin e vogël, 0.5% e xhiros vjetore do jetë i vetmi detyrim, nuk do të keni TVSH vetëm nëse kaloni 140 milionë lek të vjetra në vit. Nën 140 milionë lek, një taksë, 0.5% ajo do të shkojë për pushtetin vendor. Askush nuk do t’ju vejë asnjë taksë tjetër. As qeveria, as bashkia. Do të ulim çmimin e naftës nën 300 lek për litër. Do të ulim çmimin e energjisë.
“Të gjitha janë të mundura të realizohen, mjafton të bashkohemi të gjithë më 16 shkurt”, ishte mesazhi i kryetarit të Partisë Demokratike.
